سوق الشياطين

[الساخر]

السلام عليكم ورحمة الله وبركاته
اعتذر عن الاخطاء مقدماً حتى نتجنب الفلسفة
لست شاعرا ولكن كلمات خرجت من اعماق قلب حزين بفراق اخ عزيز
سموها شعرا سموها نثرا سموها مثل مابدكم تسموها
مو عاجبتكم ارموها
ابو محمد يقول يالله بصبر يدوم
يصبر المبتلي واللي زمانه غدر
هموم واحزان في قلبي وسم السموم
بركان في وسط قلبي يوم جاني الخبر
بربيع الاول بوسط الشهر خبر مشئوم
بموت غالي وقالولي جاه القدر
رفيق دربي خوي الجنب وقت اللزوم
ياصاح راعي ابتسامة ووجه مثل القمر
مرحوم مرحوم ياللي ضيعتك السهوم
مثلك كثير انصدم مثلك كثير انقهر
من طب سوق السعودي بشره بالهموم
يجيه جلطه بعد شيبات والاانتحر
سوق الشياطين وش ترجيه منه ياحلوم
شفط فلوس المواطن ثم جاء منحدر
ضيعت انا راس مالي وفوقه ادفع رسوم
واهل الديون اطلبوني دينهم من شهر
الناس نامت وانا سهران اعد النجوم
مالي وللنجم انا مالي ومال السهر
يالله ياخالق السموات منشى الغيوم
وجاعل الارض خضراء بعد نزل المطر
تغفر ذنوبي وتمحي زلتي يارحوم
وصلوا على محمد العدنان سيد البشر