(السؤال) مونودراما طفلية باللهجة العامية للشاعر : مهتدي مصطفى غالب

[مهتدي مصطفى غالب]

السؤال
نص مسرحي مونودرامي للشاعر : مهتدي مصطفى غالب
}نوار نائم – يبدأ بالاستيقاظ في اليوم الأول للعطلة الصيفية {
نوار: آخ .. اليوم فقت بكير .. اليوم أول إيام العطلة ... خلصنا قراية و مدرسة و دراسة ... شو بدي أعمل هلق ... شو بدك تعمل يا نوار ... شو بدك تعمل ...شو ...لقيتا ...إي لقيتا ... بدي إلعب ...لازم إلعب لأنو اللعب بيفيد الجسم ...بس كيف بدي إلعب ...لأ وين بدي إلعب ؟؟ ... البيت صغير ... البناية ضيقة ... وين بدي العب وين يانوار بدك تلعب وين وين ... ما في محل العب فيه ما ضللنا ولامحل .. عمارات و سيارات ,,,وين بدي إلعب وين ..وين ؟؟؟ بلا ما إلعب أحسن ما ضر حالي ... شو بدي إعمل ... لشو ما بضحك ...رح اضحك ( يحاول الضحك ثم يقف ) بس إذا ضحكت بلا سبب بيكون قلة أدب ..و بيي بيعاقبني ...لا بلا الضحك ...لشو ما بعزف موسيقا ...إي موسيقا ..بس ما عندي آلة موسيقية ...بشو بدي إعزف ..رح أعزف بتمي ..ها ( يحاول العزف لكنه يفشل)... بس لأ ... الموسيقا ما عاد حدي سمعها ..لأنو في أصوات أقوى من الموسيقا ..أصوات المدافع ...و القنابل ...لأ ..لأ ...ما بدي أعزف موسيقا و لا بدي اسمعها ...ما بدي .. ما بدي ..شو بدي إعمل لكن ...آه لشو ما بصير شجرة ..هيك حلوة و خضرا ...بتغط العصافير عليي وبتزقزق و تغني ..بس لأ .. لأ .. لشو عم تقطعني ..أنا بفيد ..لأ ... لأ .. لا تقطعوني و تحرقوني لأ..لأ ..لأ ...لأ ما بدي صير شجرة ...شو لكن بدي أعمل .. و شو بدي صير .. ليش ما بصير عصفور صغير .. بطير من شجرة لشجرة من شباك لشباك ...و بطير هيك بعلي بها السما و بشوف ارضي و أهلي ... لأ ..لآ .. لا تقوسني لآ لا تقوسني ..( يقع كأنه عصفور قد أصيب بالرصاص) ... لا ما بدي صير عصفور ...شو بدي أعمل ...شو بدي أعمل ..شو ... شو ...؟؟؟...ما فيي أعمل شي .. ما فيي إلعب و لا اضحك و لا غني .. ما فيي صير شجرة و لا عصفور ...خايف .. الخوف بكل مكان ..خوف .. رعب ..قتل مجازر ..قنابل .. دم ...دم ...دم... مملا العالم ..أطفال عم يموتوا من الجوع .. من القتل من المجازر ...ليش هيك عم تعملوا فينا هيك ليش ؟؟ ...ليش يا كبار مليتوا الأرض دم و جوع و قهر ليش .. الأطفال عم يموتوا من الجوع .. و إنتوا عم تطعموا كلبكن ...لحم ... لحم .. لحم بني أدم ..لشو يا كبار العالم اللي مسمى حالو متحضر ليش ...عم تعملوا بعالمنا و عالمكن هيك ؟؟ بتقتلوا البشر..وبتحرقوا البشر...بتقطعوا الشجر ...و بتحرقوا الشجر..بتقتلوا العصافير ..و بتحرقوا العصافير..ليش ...ليش ؟؟ فهمونا ليش ..؟؟ فهمونا ليش المطر صارعم ينزل من السما متل الدم ...فهمونا ..و فهمونا...نحنا ما منحبكن و ما بدنا ياكن ...روحوا حلوا عنا و تركولنا الأرض لنعمرا بالبراءة و المحبة ... روحوا ..روحوا ..ما منحبكن .. بتعرفوا ليش ؟؟ سألوا حالكن ليش ؟؟ ..و بس عرفتوا الجواب ... فهمونا و فهمونا ... و لحتى تعرفوا ما في قدامي غير ارجع و نام ...(( يعود و ينام))

[د. مصطفى عطية جمعة]

الأستاذ الأديب / مهتدى
سلام الله عليك
نص رائع ، مكتوب بتقنية المونودراما ، وهو دال على وعيك بالكتابة للطفل .
هنا نجد العالم واليوم على لسان طفل ، مكتوب بعامية شامية جميلة ، بسيطة ، يمكن حكيها ، ويمكن تمثيلها ، وهي تعمق اللحظة القصصية .
النص جميل ، ويمكن أن يؤدى مسرحيا ، وفي الفصول الدراسية وغير ذلك .
أشكرك أخي الحبيب

[كريمة ثابت]

ما أجمل هذا البوح وما أرقى الفكرة على بساطتها
هي تعري سؤالاً لو أنه أدى إل وقفة للكبار الذين ينصبون أنفسهم -علينا - كباراًمع أنفسهم لتغيرت أشياء ةعظيمة!
لك الشكر من كل طفل يسكن داخل كل شاعر بل داخل كل إنسان منا

[الشاهين]

نص مسرحي جميل
لكن لي سؤال وملاحظة :
السؤال / ماهو فن المونودرامي ؟
الملاحظة / ألا يسبب تكريس اللغة الشعبية إلى الابتعاد عن لغتنا الفصحى
وشكراً لك أستاذي مهتدي

[مهتدي مصطفى غالب]

الأستاذ الأديب / مهتدى
سلام الله عليك
نص رائع ، مكتوب بتقنية المونودراما ، وهو دال على وعيك بالكتابة للطفل .
هنا نجد العالم واليوم على لسان طفل ، مكتوب بعامية شامية جميلة ، بسيطة ، يمكن حكيها ، ويمكن تمثيلها ، وهي تعمق اللحظة القصصية .
النص جميل ، ويمكن أن يؤدى مسرحيا ، وفي الفصول الدراسية وغير ذلك .
أشكرك أخي الحبيب
شكرا لك أستاذنا
فعلاً هذا من النصوص التي ادرب عليها الأطفال في مختبري المسرحي البسيط للأطفال و قدمه على المسرح الطفل الموهوب : نوار فضل فهد و هو في الصف الخامس من التعليم الأساسي
و ترك أثراً مميزاً لدى المتلقين
لك محبتي و مودتي و تقديري

[مهتدي مصطفى غالب]

نص مسرحي جميل
لكن لي سؤال وملاحظة :
السؤال / ماهو فن المونودرامي ؟
الملاحظة / ألا يسبب تكريس اللغة الشعبية إلى الابتعاد عن لغتنا الفصحى
وشكراً لك أستاذي مهتدي
شكراً لك يا صديقي الشاهين
فن المونودراما : هو نمط مسرحي يقوم فيه ممثل وحيد بتأدية العمل المسرحي على الخشبة بحوار داخلي
أما حول سؤالم الثاني: (ألا يسبب تكريس اللغة الشعبية إلى الابتعاد عن لغتنا الفصحى) أقول إن ما اسميته(اللغة الشعبية) هو ليس إلا لهجة شعبية متاثرة بالزمان و المكان و هي ليست لغة كي تنافس أو تبعد اللغة العربية بل هي صيغة من صيغ العربية محكومة بالزمان و المكان اما اللغة الفصحى لغة الكتابة و التفكير فهي أقوى من أن تبعدها لهجة من لهجاتها المحكومة كما قلنا بالزمان و المكان ... و استعمال اللهجة المحلية ( المحكية أو العامية أو أو .... ضرورة في العمل الدرامي ببعض الأحيان لأنه ليس من مهمة الدراما بشكل خاص إحياء اللغة العربية فقط لها مهام أخرى ...( تقصدت استعمال مفردة إحياء لكثرة استعمالها من قبل بعض الخائفين على اللغة العربية ... و اللغة العربية حية و ليست بحاجة لإحياء فهي تحيينا لأنها أداة التعبير عن كينونتنا الثقافية و الفكرية و الحياتية و حين نكون نحن في مقدمة الشعوب الأخرى تكون لغتنا في مقدمة اللغات الأخرى لأنها صوتنا و صدى وجودنا الحضاري
اك محبتي و شكري و تقديري

[محمد علي الهاني]

أخي العزيز مهتدي

دام لك الإبداع ، وكل عام وأنت وكلّ من تحبّ بألف خير.

[مهتدي مصطفى غالب]

ما أجمل هذا البوح وما أرقى الفكرة على بساطتها
هي تعري سؤالاً لو أنه أدى إل وقفة للكبار الذين ينصبون أنفسهم -علينا - كباراًمع أنفسهم لتغيرت أشياء ةعظيمة!
لك الشكر من كل طفل يسكن داخل كل شاعر بل داخل كل إنسان منا
شكرا لك
دائما يظهر طفل صغير في كل ما أكتبه
لك مودتي و تقديري

[مهتدي مصطفى غالب]

أخي العزيز مهتدي

دام لك الإبداع ، وكل عام وأنت وكلّ من تحبّ بألف خير.


لك الشكر صديقي الجميل و الشاعر الأنيق و اللطيف
و كل عام و أجنحة المبة و الخير ترفرف بالسعادة و المسرة في قلبك و في قلوب كل من تحب